A música de Mamá Cabra acompaña a varias xeracións de familias galegas. Descubre as nosas cancións e forma parte deste universo musical.
Unha traxectoria discográfica ligada á literatura e á cultura galega
Dende o ano 2000, Mamá Cabra foi creando un universo musical propio no que a música infantil en galego, a literatura, a imaxinación e a participación dos nenos e nenas son os grandes protagonistas.
Ao longo da súa traxectoria, o grupo publicou numerosos traballos discográficos nos que cancións, historias e valores se unen para achegar a música ás novas xeracións. Cada álbum é unha nova viaxe na que se mesturan tradición e creatividade, convidando a cantar, xogar e descubrir o mundo a través da música.
A súa discografía forma parte da historia recente da música infantil galega, acompañando a varias xeracións de familias e consolidando a Mamá Cabra como un dos proxectos máis recoñecidos da creación musical para a infancia en Galicia.
2002 — Cantos Rodados
O primeiro traballo de Mamá Cabra. Un proxecto multimedia que combinaba libro, CD, letras e material audiovisual, concibido para achegar a música e a lingua galega ás crianzas a través do xogo e da participación. Editado por Primerapersona
2004 - Cantando Conmigo
Un almanaque musical xigante que propoñía unha canción para cada mes do ano. Editado por Primerapersona.
Un dos traballos fundamentais da primeira etapa. A canción que dá título ao disco acadou o Premio á Mellor Canción en Galego nos X Premios da Música de 2006. Publicado por Discmedi.
2006 - Cartas que Veñen e Van
Un traballo realizado con Susa Herrera, con arranxos e interpretación de Mamá Cabra, que posteriormente sería publicado como libro-disco por Galaxia, dentro da colección Sonárbore.
2008 - Patatín Patatán
Unha nova proposta da primeira etapa do grupo, autoeditada.
2008 - Todos os animáis ao caixón
Un novo traballo dedicado ao público infantil, con cancións de Susa Herrera. Editado por Primerapersona.
Libro-disco que afonda na colaboración con Editorial Galaxia, con textos de Gloria Sánchez e ilustracións de Kristina Sabaite.
Un libro-disco dedicado ao Nadal, con composicións sobre textos de autores galegos.
O proxecto recibiu o Premio Neira Vilas ao Mellor Libro Infantil e Xuvenil de 2011, polo seu achegamento da poesía á infancia a través da fusión de texto e música.
Un dos grandes fitos da traxectoria de Mamá Cabra.
O libro-CD-DVD, publicado por Galaxia, propón cancións para cantar, bailar e participar e incorpora tamén unha mirada ao día a día do grupo.
Bicos de música obtivo o Premio Galego da Música 2013 e está ligado ao primeiro Premio Martín Códax da Música de Mamá Cabra.
2013 - Deberivés
Un traballo recompilatorio que reúne cancións destacadas da traxectoria do grupo e recupera algúns dos seus temas máis coñecidos.
2013 - Cartas que veñen e van
Nova edición en formato libro-disco de Galaxia, realizada con Susa Herrera, na que as cartas aos personaxes se transforman en cancións para cantar e bailar.
2014 - Estación Nadal
Novo libro-disco dedicado á temática do Nadal.
2015 - A Bruxa Discordia
Un proxecto realizado coa escritora Carmen Gil.
A través dunha historia protagonizada por unha bruxa alérxica á paz, o espectáculo e o libro-disco traballan valores como a convivencia, o diálogo e a paz.
2017 - Eu cociño, tí cociñas?
Un proxecto musical arredor da alimentación e dos hábitos saudables, nacido dunha experiencia educativa desenvolvida no CEIP de Sigüeiro.
Gloria foi creando cancións a partir das receitas que cada mércores saían da aula de María Salgado, acompañada por Pili Rivas.
2019 - A fraga do meu avó
Un dos proxectos máis persoais e comprometidos de Mamá Cabra.
Nace arredor da fraga do avó de Gloria, situada en Santa María de Vigo, Cambre, e convértese nunha proposta artística de defensa da natureza, dos bosques autóctonos e do patrimonio natural.
O libro-disco presenta unha fraga chea de árbores, animais e vida e utiliza poesía, música e ilustracións para achegar ás crianzas a necesidade de protexer os espazos naturais.
O disco contén doce cancións e deu lugar posteriormente a un espectáculo de música e teatro especialmente dirixido á primeira infancia.
Mamá Cabra
Cancións acústicas, xogos, contos en vivo e historias para cantar en familia.
26 anos de música, xogos e aprendizaxe
Fala con nós
Contratación: ola@urdime.gal
Concertos, eventos.
© 2026 Mamá Cabra- Música, xogos e aprendizaxe.
Urdime, S. Coop. Galega
Avenida de Lugo 2A - Baixo esquerda
15702 Santiago de Compostela (A Coruña)
URDIME: +34 981 937 424
EMI: +34 619 920 335